dinushas wedding

නීතීඥවරියක් වීම මගේ ඊලඟ අපේක්ෂාවයි- උපේක්ෂා

උපේක්‍ෂා ස්වර්ණමාලි නීතිඥ වෘත්තියට ද පිවිසීම සඳහා මේ වන විට අධ්‍යාපන කටයුතුවල නියැලී සිටින බව ඇය විසින් පුවත්පතකට ප්‍රකාශ කර තිබෙනවා.

නීති උපාධිය සඳහා මේ වනවිට "යුනිවර්සිටි ඔෆ් ලන්ඩන්" හි අධ්‍යාපන කටයුතු වන නිරතව සිටින බවයි ඇය පවසන්නේ.

ගෙවී ගිය වසර හයක කාලයේදී ආර්ථික වාසි තකා රංගනයෙහි නියැලීමක් සිදු නොකළ බව කියා සිටිනා ඇය, කලාකාරිනියක ලෙසින් තමන්ට ලැබුණු චරිත සම්බන්ධයෙන් තෘප්තිමත් නොවන බවද පවසා සිටීනවා.

මංත්‍රීවරියක වුවද, නීතීඥ වරියක් වුවද කෙදිනකවත් රඟපෑමෙන් ඉවත් නොවන බවත් ඇය කියා සිටින්න්නේ "කවදාහරි අපේ දෙනවක හාමිනේ මහත්මිය වගේ දීර්ඝ කාලයක් දක්වා වුණත් රඟපෑමේ කටයුතුවල නිරත වේවි" යනුවෙනි.

කලකට ඉහත උපේක්ෂා කුවෙට්හි සිට මෙරටට පැමිණියේ වෙනත් රටකට යාමේ අරමුණ ඇතිව මානව සම්පත් කළමනාකරණය ඉගෙන ගැනීමටයි. ඉන්පසු රංගනයට පිවිසීමෙන් පසු ජනතාව අතර ප්‍රසිද්ධ වුනේ පබාගේ චරිතයෙනි.

පබාගේ ජනප්‍රියත්වයත් සමඟ සරත් ෆොන්සේකා මහතාගේ දේශපාලන වේදිකාවට නැඟීමෙන් දේශපාලනයට පිවිසි ඈ ඉන්පසු එක්සත් ජාතික පක්ෂයෙන් ජන්දය ඉල්ලුවේ සරත් ෆොන්සේකාවද අමතක කර දමාය.

එක්සත් ජාතික පක්ෂයෙන් පාර්ලිමේන්තුවට පිවිසි ඈ ජනාධිපතිවරයාගේ දෑත් ශක්තිමත් කිරීමට ආණ්ඩු පක්ෂයට පැන්නේ එක්සත් ජාතික පක්ෂයද අමතක කරමිනි.

Bikini Super Star last round

නුපර් මේතා දිල්ශාන් සමග සම්බන්ධතාවයක් පැවත්වුවාද?

පසුගිය ලෝක කුසලාන තරඟාවලියේ ඉන්දියාව හා පක්සිතානය අතර පැවති තරඟය පවා දී ඇති බවට මේ දිනවල චෝදනා නැගෙනවා.මෙයට මැදිහත්වී ඇත්තේ ඉන්දියානු බුකි කරුවෙක් වන අතර අන්තර්ජාතික ක්‍රිකට් කවුන්සිලය විසින් මේ පිළිබඳව පරීක්ෂණයක්ද සිදුකිරීමට නියමිතයි.

මේ පිලිබඳ වාර්තා කරමින් ලන්ඩනයේ සන්දේ ටයිම්ස් පුවත්පත වාර්තාකොට සිටියේ ඉන්දියානු බුකි කරුවා බොලිවුඩ් නිළියක වන නුපුර් මේතා සමගද සම්බන්ධ වී මෙම ක්‍රියාව සිදුකර ඇති බවයි.

එම පුවත්පතේ නුපුර් මේතාගේ ජායාරුපයක් පලවී තිබුණු අතර ඇය එම පුවත්පතට විරුද්ධව නඩු පවරන බව කිවේ එම කතාව සම්පුර්ණයෙන් අසත්‍යක් බව පවසමින්. 

නමුත් තමන් අන්තර්ජාතික ක්‍රීඩකයන් කිහිප දෙනකු සමග සම්බන්ධකම් පැවැත්වූවාට තරඟ පවා දීමට දායක වුනේ නැති බව ඇය මාධ්‍යයට ප්‍රකාශ කර තිබුනා.පසුගියදා නුපුර් මේතා කල ප්‍රකාශයක සඳහන් වුයේ ඇය ලංකා ක්‍රිකට් පිලේ හිටපු නායක දිල්ශාන් තිලකරත්න සමගද 2009 වසරේදී සම්බන්ධතාවයක් පවත්වා ඇති බවයි. 

ඇය මාධ්‍යයට පල කල අදහස් මෙසේය

"මට ලන්ඩනයේ කැසිනෝ ශාලාවකට ගිය අවස්ථාවකදී ක්‍රිකට් ක්‍රීඩකයන් කිහිපදෙනෙක් මුණ ගැහුනා..ඔවුන් සියල්ල මුණගැහුනේ T20 ලෝක කුසලානයට සෙල්ලම් කිරීම සඳහා ඔවුන් ලන්ඩනයට ඇවිත් සිටි නිසයි.එහිදී ඔය කියන බුකි කරුවෙක් මට හමු වුනේ නැහැ.

ඒ කාලේ මම නැවතිලා හිටියේ කින්ග්ස්ටන්හි පිහිටි රෝයල් ගාර්ඩ්න් හෝටලේ.නමුත් මම මගේ කාමරය වෙන කාත් සමගවත් බෙදා ගත්තේනම් නැහැ.මම හෝටලේ දවස් කිහිපයක් නැවතී සිටියා..ඒ වෙනුවෙන් දවසට ස්ටර්ලින් පවුම් 500 ක් ගෙවන්න සිදුවුනා. 

ඒ බව ඔප්පු කිරීමට හෝටලේ බිල් මා සතුව ටිබෙනවා.එම හොටලේම තවත් ක්‍රිකට් ක්‍රීඩකයන් කිහිපදෙනෙකු නැවතී තිබෙනවා,නමුත් මම දන්නේ නැහැ ඔවුන් කවුදැයි කියා..මගේ අල්ලපු කාමරේ සචින් තෙන්ඩුල්කාර් හිටියත් මම දන්නේ නැහැ.

මෙහිදී මට දිල්ශාන් ගේ නම සඳහන් කරන්න පුළුවන්..ඔහුව මට නිතර හමුවුනා..එත් ඇයි මම අනිත් ක්‍රීඩකයන්ගේ නම් හෙළිකරන්නේ..ඔවුන් නිකන් මට හමුවුනා විතරයි".

දිල්ශාන් සමග පැවති සම්බන්ධය පිලිබඳ වැඩිදුරත් මාධ්‍යය ප්‍රශ්න කල විට

"මොකද්ද ක්‍රිකට් ක්‍රීඩකයෙක් දැන සිටීමේ වරද?එක මගේ පෞද්ගලික ජීවිතය.මම තනිකඩ ආකර්ශනීය ගැහැණු ළමයෙක්.මට නිදහස තියෙනවා ලෝකේ ඕන කොනකට ගොස් ඕනා කෙනෙක් සමග සම්බන්ධතා පවත්වන්න".

 එම බුකි කරුවාගෙන් හෙළිවී ඇති කරුණු වලින් කියවෙන්නේ ඉන්දියානු ප්‍රිමියර් ලිග් තර්න්ගාවලිය හා තවත් ටෙස්ට් තරඟ පවා දීම්වලට ලක්ව ඇති බවයි.එහිදී ලකුණු වාර්තා කිරීම වෙනුවෙන් පිතිකරුවෙකුට පවුම් 44,000 ක මුදලක් ද, ලකුණු ලබා දීමට හැකිවන සේ පන්දු යොමුකිරීමෙන් පන්දු යවන්නෙකුට පවුම් 50,000 ක් ද,තරඟයේ අවසාන ප්‍රතිඵලය පිලිබඳ වග විය හැකි ක්‍රීඩකයෙකුට පවුම් 750,000 මුදලක් උපයා ගත හැකි බවය.

නමුත් මේ පිළිබඳව මාධ්‍යයට අදහස් පලකල ශ්‍රී ලංකා ක්‍රිකට් පාලක මණ්ඩලය කියා සිටියේ දිල්ශාන් එවැනි බොලිවුඩ් නිලියක් සමගින් කිසිදු සම්බන්ධතාවයක් පවත්වා නැති බවත් ඩිල්ශාන්ගේ රසිකයන් බිඳවීමට ගෙතු කතාවක් පමණක් බවය.

නිළියක වීම මගේ වාසනාව

පියුමි බොතේජු

අද ‘තරුවක් සමඟ වරුවක්’ විශේෂාංගයෙන් හමුවන්නේ පියුමි ශානිකා බොතේජු ය. වේදිකාව, සිනමාව, රූපවාහිනිය යන ක්ෂේත්‍ර තුනේදීම තම රංගන හැකියාව මනාව ප්‍රකට කරන පියුමි දක්ෂ නිවේදිකාවක ද, රූපවාහිනී වැඩසටහන් ඉදිරිපත් කරන්නියක ද වන්නීය. ඇය පේ‍්‍රක්ෂකයින් අතර වඩාත්ම ජනපි‍්‍රය වූයේ ‘පබා’ ටෙලි නාට්‍යයේ හිමාලි ගේ චරිතයෙනි.

ඉතින් කොහොමද පියුමි මොනවද අලුත් තොරතුරු...?
හොඳින් ඉන්නව. මේ දවස්වල ටිකක් විතර වැඩ වැඩියි. නදී චන්ද්‍රසේකරගේ අලුත්ම ටෙලි නාට්‍යයේ වැඩවලට සම්බන්ධ වෙලා ඉන්නව. ඒ වගේම වේදිකා නාට්‍ය දෙකකටත් සම්බන්ධ වෙලා ඉන්නවා. ඒ; “රෝමය ගිනිගනී”, “සිකුරු සවාරි” කියන වේදිකා නාට්‍ය දෙක. ඊට අමතරව ‘සිරි දළදාවත’ චිත්‍රපටයටත් දිනේෂ් පි‍්‍රයසාද්ගේ ‘ඔළුව ජපන් කඳ ජර්මන්’ කියන චිත්‍රපටයටත් රංගනයෙන් දායක වෙනවා. මෙය ප්‍රහසනාත්මක චිත්‍රපටයක්. ඒ වගේම දෙරණ රූපවාහිනී නාළිකාවේ “t - පාටි” වැඩසටහන ඉදිරිපත් කිරීමටත් මම දායක වෙනවා. මේ වගේ වැඩත් එක්ක තමයි කාලය ගතවෙන්නේ.

දෙරණ “t - පාටි” වැඩසටහනට හොඳ ප්‍රතිචාර ලැබෙනව ඇති...?
ඇත්තෙන්ම ඔව්. සමාජයේ විවිධ මට්ටම්වල පේ‍්‍රක්ෂකයින් ගෙන් විවිධ ප්‍රතිචාර මට ලැබෙනව. මම ඒ වැඩසටහන ඉදිරිපත් කළාට බොහෝ දෙනෙකුගේ මහන්සියේ ප්‍රතිඵලයක් ලෙස තමයි “t - පාටි” වැඩසටහන එන්නේ. ළඟදී ඉදිරිපත් කළ “කුස පබා” චිත්‍රපටයේ ශිල්පීන් සම්බන්ධ වුණු වැඩසටහන ගැන ගොඩක් දෙනෙක් කතා කළා.

නිවේදිකාවක් ලෙස ඔබ ක්ෂේත්‍රයට ආ ගමන ගැන සිහිපත් කරමු?
මම මුලින්ම නිවේදිකාවක්. මම මුලින්ම සම්බන්ධ වුණේ ලක්හඬ ගුවන් විදුලියට. ඉන් පසුව මම ජාතික රූපවාහිනියට සම්බන්ධ වුණා සහාය නිෂ්පාදකවරියක් ලෙස පුහුණු වෙන්න. ඒ කාලෙ රූපවාහිනී වැඩසටහන් කීපයක් ඉදිරිපත් කරන්නත් මට අවස්ථාව ලැබුණා. ඒ දිනවල මම ජාතික රූපවාහිනියේ “ටී බ්රේක්” වැඩසටහන ඉදිරිපත් කළා. ඉන් පසුව මම ස්වර්ණවාහිනියෙත් වැඩ කළා.

රංගනයේදී ඔබට වේදිකාවත් හොඳට හුරුයි නේද?
ඔව් මම වේදිකා නාට්‍ය ගණනාවක රඟපාල තියෙනව. මේ දිනවලත් මම වේදිකා නාට්‍ය දෙකක් එක්ක ඉන්නවා. මුලින්ම මම රංගනයෙන් දායක වුණේ හේමන්ත ප්‍රසාද්ගේ “මල්සර බිසව්” වේදිකා නාට්‍යයට. ඉන් පසුව “දෙනුවර දෙන්නෙක්” ‘තාරාවෝ ඉගිලෙති’ වැනි වේදිකා නාට්‍යවලටත් සම්බන්ධ වුණා. 2007 වසරේ රාජ්‍ය නාට්‍ය උලෙළේදී කුසලතා සම්මානයක් මට හිමි වුණා.

ඔබ වඩාත් කැමැති වේදිකාවට ද, සිනමාවට ද, ටෙලිනාට්‍යවලට ද?
මේ ක්ෂේත්‍ර තුනේම ඉන්න කෙනෙක් විදියට මම මේ තුනටම කැමැතියි. හැබැයි වේදිකාවෙන් අපට හැම තිස්සෙම ඉගෙන ගන්න යමක් තියෙනව. වේදිකාව, රංගනය පිළිබඳ පාසලක් වගෙයි. ඒ වගේම වේදිකාව හරිම සජීවියි. නමුත් මම මේ ක්ෂේත්‍ර තුනටම කැමැතියි.

“භාර්යාවෝ” ටෙලි නාට්‍යයේ රංගනය ගැන කතා කරමු...?
මේ ටෙලි නාට්‍යයේ මම රඟපාන්නේ ශේනු කියන කාන්තාවගේ චරිතය. ශේනු කට්ට ගැහැනියක්. ඇය තමන්ගේ අරමුණ වෙනුවෙන් ඕනෑම දෙයක් කරන්න සූදානම් කාන්තාවක්. නමුත් ඇය හොඳින් ආදරය කරන කෙනෙක්. මට ලැබෙන හැම චරිතයක් වගේම ශේනුගේ චරිතයත් මම හරිම කැමැත්තෙන් කළේ. මගේ දිගට තිබුණු කොණ්ඩය ළඟදි කැපුවා. ඉන් පසුව රංගනයෙන් දායක වුණු පළමු ටෙලි නාට්‍යය තමයි ‘භාර්යාවෝ.’ ඒ වෙනසටත් එක්ක හොඳ ප්‍රතිචාර ලැබෙනවා.
මොනවද ඔබේ පවුලේ තොරතුරු?
මගෙ සැමියා චමල්. ඔහු වැඩිපුර ඉන්නෙ රට. ඒ ඔහුගෙ රැකියාව නිසා. මම මගේ වැඩ කටයුතු හොඳින් කරගෙන යනවා.

ක්ෂේත්‍රයේ ප්‍රවීණයින්ට ඔබේ ගරුත්වයක් තිබෙනවා ද?
ඔව්. ප්‍රවීණයන්ට මම අනිවාර්යයෙන්ම ගරු කරනවා. ප්‍රවීණයන්ට විතරක් නෙමෙයි ක්ෂේත්‍රයේ ඉන්න සෑම දෙනාටම මම ගරු කරනව. මා එක්ක වැඩ කරන අය ඒකට සාක්ෂි දරාවි. සමහරු කියනව ටෙලි නාට්‍යවල වැඩ කරද්දි කාර්මික ශිල්පීන්ව වැඩිය කරේ දාගන්න එපා කියල. මම එහෙම කරන්නෙ නෑ. කාර්මික ශිල්පීන් හැටියට ඔවුන්ගෙ විෂය ඔවුන් හොඳින් ප්‍රගුණ කළ අය. ඒ ප්‍රවීණත්වයට, දක්ෂතාවයට මම ගරු කරනවා. ඒ සියලු දෙනාටම ඔවුන්ට ලබා දෙන්න ඕන ගෞරවය මම ලබා දෙනවා.

මොනවද ඔබේ අනාගත බලාපොරොත්තු?
මේ වන විට මට අවස්ථාව ලැබිල තියෙනව විවිධාකාර චරිත රඟපාන්න. ඉදිරියේදීත් චරිතාංග නිළියක් ලෙස විවිධ වූ චරිත රඟපාමින් රංගනයෙන් ඉදිරියට ඒමයි මගේ අරමුණ.

රංගන ශිල්පිනියක් වීම ගැන ඔබ සතුටු ද?
අනිවාර්යෙන්ම. නිළියක් වීම මගේ වාසනාව නිසා සිදුවූ දෙයක් කියලයි මම හිතන්නෙ. මේ තරම් ජනතාවකගේ ආදරය දිනාගන්න ලැබෙන්නේ නළුවකුට හෝ නිළියකට පමණක් බවයි මගේ හැඟීම.

රංගනය තුළ මෙතෙක් ආ ගමන ගැන ඔබ සතුටු ද?
ඔව්. මම ආවෙ සෙමෙන් ගමනක්. එක රැයකින් ජනපි‍්‍රය වෙලා පහුවදා නැතිවෙලා යන්න මම මේ ක්ෂේත්‍රයට ආවෙ නෑ. ඉදිරි ගමනත් ස්ථාවරව සාර්ථකව යාමයි මගේ අරමුණ.

දේශපාලනයට පිවිසෙන්න අදහසක් නැති ද?
නෑ. එහෙම අදහසක් නෑ.

ගාමිණී සුසන්ත

ඡායාරූපය - ඉන්දික මල්ලවආරච්චි

චතුරිකා කටකතා වලට පිළිතුරු දෙයි

Friday, March 2, 2012

ටෙලි නාට්‍යය නිලි චතුරිකා පිරිස් හා රොෂාන් පිලපිටිය විවාහය දිගින් දිගටම කල් යාම හේතුවෙන් කලකිරීමට පත්ව සිටින චතුරිකා, රන්ජන් රාමනායක සමග සමීප ඇසුරක් ගොඩනගා ගෙන ඇති බව පසුගියදා විවිධ මාධ්‍යයන් ඔස්සේ පලවී තිබුනා.

එම කට කතා ප්‍රතික්ෂේප කරමින් චතුරිකා සති අන්ත පුවත්පතකට පවසා තිබුනේ මෙවැන්නක්

රංජන් රාමනායකත් එක්ක සම්බන්ධයක් තියෙනවා කියලා රාවයක් පැතිරිලා තිබුණා. ඔබ ඒක ප‍්‍රතික්ෂේප කළේත් නෑ
මම කටකතා ගණන් ගන්නේ නෑ. කටකතාවලට හේතු ඇති. නමුත් හේතු නැතිව කියන කටකතා තමයි වැඩිපුර තියෙන්නේ. රංජන් අයියා විතරක් නෙමෙයි මීට කළින් ධනංජය, සුරාජ්මාපා, රොෂාන් රවීන්ද්‍ර මේ අයත් එක්ක මාව පටලවලා කතා හැදුවා. 

මම ඕවට උත්තර දුන්නේ නෑ. මිනිස්සුන්ගේ කටවහල් වහන්න අපට බෑනේ. කටකතා ගොතලා පතුරුවලා කවුරු හරි තෘප්තියක් ලබනවනම් ඒකත් මට පිනක්.

කවද්ද විවාහ වෙන්නේ
දැන්මනම් විවාහ වෙන්නේ නෑ මට තව ටිකකාලයක් නිදහසේ ඉන්න ඕනේ. ගෙදර වැඩත් තවම ඉවර නෑ. ඉතිං රොෂානුයි මමයි තීරණය කළා මේ හැම ප‍්‍රශ්නයක්ම විසදගෙන තව ටික කාලයක් ඉඳලා විවාහ වෙන්න.

පියුමි යුග දිවියට එළඹීමට සුදානම් වෙයි

Thursday, March 1, 2012

ජනප්‍රිය යොවුන් නිලි පියුමි පුරසිංහ මේ දිනවල ඇයගේ විවාහයේ කටයුතු සඳහා සුදානම් වෙමින් පවතින බව වාර්තා වේ.

ඇයගේ ප්‍රථම ප්‍රේමය අසාර්ථක වූ අතර ඇය විවාහ වීමට යන්නේ ව්‍යාපාරිකයෙකු වන රේම් රාජ්ලාල් සමගයි.

පියුමිගේ වයස මේ වනවිට 22 කි.ඒ අනුව ලබන මාර්තු මාසයේ 24 වනදා ඇයගේ විවාහ ගිවිසගැනීම සිදුවන අතර 2013 වසරේ මාර්තු මස 24 වනදා ඇයගේ විවාහය සිදු කිරීමට නියමිතයි.

පියුමිගේ හා රේම් ගේ ජායාරුපයක් පහතින් බලන්න 

සැමියා හැර සේමිණි වෂී වූ අය ?

සැමියා හැර සේමිණි වෂී වූ අය ?

2012 පෙබරවාරි 21 වෙනි අඟහරුවාදා, 09:33

Srilankamirror - ජනපි‍්‍රය නිළි සේමිණි ඉද්දමල්ගොඩ සතිඅන්ත පුවත්පතකට කළ ප‍්‍රකාශයක් හේතුවෙන් ඈ කිට්ටුවෙන් ඇසුරු කළ පිරිමි පාර්ශවයේ කිහිප දෙනෙකු අවුලවී ඇතැයි ‘ශී‍්‍ර ලංකා මිරර්’ වෙබ් අඩවිය වෙත වාර්තා වේ.

අදාළ සම්මුඛ සාකච්ඡාව කළ මාධ්‍යවේදිනිය සැමියා හැර වෙනත් පුද්ගලයෙක් ගැන ආදරයක්, ආකර්ෂණයක් ඇතිවෙලා ඇත්දැයි ඇයගෙන් ප‍්‍රශ්න කළ විට ඇය එය පිළිගෙන තිබීම මීට හේතුව බවද පැවසේ.

එසේම ඇය එය සාධාරණීය කරණය කරමින් පවසා ඇත්තේ ‘එහෙම නොවුවා නම්, අපි ලේ,  ඇට, මස්, නහරවලින් සැදුණු මිනිසුසු නොවන බවයි.

කෙසේවුවද මීට පෙර සේමිණි ට වහ වැටුණු තරුණ ඇමතිවරයෙක් සම්බන්ධ රාවයක්ද මාධ්‍ය අනාවරණය කර තිබිණි.

කටකාර ඇමතිවරයෙකු වන මොහු කලාවට සම්බන්ධ අයෙක් බවද වාර්තා වේ.

එසේම ඔහු ජනධිපතිවරයා සමග කිට්ටු ඇසුරක් පවත්වන්නෙක් බවද පැවසේ.

අදාළ තරුණ ඇමතිවරයා සේමිණි පිළිබඳව නිරන්තරයෙන්ම සොයා බලූ බවත් වාර්තා වී තිබිණි.

මේ ඇමතිවරයා විසින් සේමිණිට මීට වසර කිහිපයකට පෙර රුපියල් ලක්ෂ 48ක් පමණ වියදම් කර, අධ්‍යක්ෂණය කළ ටෙලිනාට්‍යයක් රූපවාහිනියේ විකාශය කිරීමට අවස්ථාව ලබාගැනීමට සෑහෙන වෙහෙසුන බවත් මේ අතර, වාර්තා වේ.

සේමිණි සිනමාවේත් පුංචි තිරයේත් වේදිකාවේත් කැපී පෙනෙන රංගන ශිල්පිනියකි.

ශී‍්‍රයානි අමරසේකර විසින් අධ්‍යක්ෂණය කළ ‘ඉරබටු තරුව’ හරහා කලා ක්ෂේත‍්‍රයට පිවිසි ඇය වේදිකා නාට්‍ය, ටෙලිනාට්‍ය, චිත‍්‍රපට හරහා සිය රංගන කුසලතා එකසේ දක්වන්නට සමත්වූවාය.

ඇය පුංචි තිරයේදී පේ‍්‍රක්ෂකයන්ට වඩාත් සමීපවූයේ ‘යර්ස් බොස්’ විකට වැඩසටනේ රෝෂිනී නම් චරිතය හරහාය.

එසේම ඇය සුදත් රෝහණ විසින් අධ්‍යක්ෂණය කළ ‘ස්වයංජාත’ ටෙලිනාට්‍යයේ පබිලිනාගේ චරිතය හරහා පේ‍්‍රක්ෂකයන්ගේ ජනාදරයට පත් වූවාය.

සේමිණිගේ සැමියා පොලිස් නිලධාරියෙක් වන අතර, ඇයට දැනට පස්වැනි ශ්‍රේණියේ අධ්‍යාපනය ලබන දියණියක්ද සිටී.

සේමිණිගේ සැමියා නමින් ධම්මිකය, කුමලී ඇගේ දියණියයි.

 

නෙහාරාගේ ආදරණීය නයගරා

ආදරණිය නයගරා ටෙලි නාට්‍යයේ රුගතකිරීම් වලට ඇමරිකාව බලාගොස් ඇති නෙහාරා හා මේනක මේ දිනවල කැමරාව ඉදිරියේත් හා ඉන් බාහිරවත් සිටින්නේ එකටමයි.මේනක - නෙහාර යුවලගේ නවතම ජායාරුප පහතින් බලන්න.

හිරුණිකාගේ පෙම් සබඳතාවය අවසන්

මුල්ලේරියාවේ සිදුවූ වෙඩි තැබීමකින් ඝාතනය වූ භාරත ලක්ෂ්මන් ප්‍රේමචන්ද්‍ර මහතාගේ දියණිය වන හිරුණිකා ප්‍රේමචන්ද්‍ර මෙනෙවිය හා නාමල් රාජපක්ෂ මන්ත්‍රීවරයා සම්බන්ධ කරමින් අසත්‍යය කට කතා පැතිරෙන විට හිරුණිකා යහළුවී සිටින්නේ පියසේන ගමගේ අමාත්‍යවරයාගේ පුතු වන රන්දිම ගමගේ සමග වන බව මුල් වරට හෙළිකළේ ගොසිප්9 විසිනි.

නමුත් එම සම්බන්ධතාවය මේ වනවිට අවසන්වී ඇති බව හිරුණිකා සතිඅන්ත ලංකාදීප පුවත්පතට අදහස් පළකරමින් ප්‍රකාශ කොට තිබේ.එම සංවාදය පහතින් බලන්න

ඔබට පෙම්වතෙක් ඉන්නවා නේද?
මම වසර 5 ක් සම්බන්ධතාවයක් පැවැත්වුවා..එදා මම මාධ්‍යය සමග හැසිරෙන්න දැනගෙන හිටියේ නැහැ.මාධ්‍යය අහන ප්‍රශ්න වලට පිළිතුරු දෙන්න ගියා..මා නිසා තාත්තගේ නම කැත වේවි කියල මට ලොකු බයක් දැනුන.

මගේ පින්තුර ඉන්ටනෙට් එකේ දාල ..තව අය එක්ක යාලුයි කියල කියනවා...මම කලේ රූපවාහිනියට කතා කළා..මම බඳින්න ඉන්න එක්කෙනා කියලත් පෙන්නුවා..මම හරි මෝඩ වැඩක් ඒ කලේ.මේ රටේ දේශපාලනය කරන්න මධ්‍යම ප්‍රතිපදාවේ ඉන්න ඕන.මම දැන් තේරුම් අරන් ඉන්නේ ඕනවට වඩා අවංක වෙලත් හොඳ නැහැ.

ඔබ ඔහු සමග විවාහ වනවාද?
දැන් ඒ සම්බන්ධය නැහැ..තාත්තගේ සිද්ධියෙන් පසු අපි තේරුම් ගත්තා මම යන ගමන සැර වැඩියි කියල මම තේරුම් ගත්තා..මම යන ගමන එක්ක ඔහුටත් ප්‍රශ්නයක් වේවි. මේ වෙලාවේ තවකෙනෙකුට අවධානය යොමු කරන්න අමාරුයි.

මගේ ඔලුවේ තියෙන්නේ තාත්තගේ නඩුව දිනන එක..අපි ටික කාලයකට වෙන් වෙන්න තීරණය කළා..මේක නොකෙරෙන දෙයක් බවට පත්වෙලා ඉවරයි..ඉදිරියට කොහම වෙනස් වේවිද දන්නේ නැහැ.මම දේශපාලනයට එන්න තීරණය කරලා ඉවරයි.

අපි දේශපාලන පවුල් දෙකක්.තාත්තගේ නම ගෙනියන්න මට අවශ්‍යයි.අපි වෛරක්කාරයෝ වෙලා නැහැ.තාත්තා හැර මට සමීපව හිටියේ ඔහුයි.


භාරත ප්‍රේමචන්ද්‍ර මහතාට වෙඩි තැබීමෙන් පසු මෝටර් රථයක් තුල හඬමින් සිටිනා යුවතියක් පිලිබඳ බොහෝ දෙනාගේ අවධානය යොමුවූ අතර ඇය මිස් ශ්‍රීලංකා සඳහා තරඟ කළ හිරුණිකා ප්‍රේමචන්ද්‍ර මෙනවිය බවත්, ඇය සම්බන්ධතාවයක් ඇතිකරගන තිබෙන්නේ දකුණු පළාතේ ජේෂ්ඨ අමාත්‍ය පියසේන ගමගේ ගේ පුත් දකුණු පළාත් සභා මන්ත්‍රී රන්දිම ගමගේ බවටත් හෙළි කළ ගොසිප්9 ලිපිය

මට එහෙම චෝදනා නෑ

නර්තන ශිල්පිණියක ලෙස සිය කලා ජීවිතය ඇරඹි ඇය මේ වනවිට පුංචි තිරය, වේදිකාව හා රිදී තිරය ඔස්සේ රංගන ශිල්පිණියක ලෙස සිය කලා හැකියාවන් ප්‍රේක්ෂක ඔබ වෙත ඉදිරිපත් කරයි. ‍මේ දිනවල රූපවාහිනිය ඔස්සේ විකාශය වන "අමරපුරය" ඇය රංගන දායකත්වය ලබාදෙන නවතම ටෙලි නිර්මාණය වේ. එමෙන්ම සිංහල සිනමාවට එක්වුණු අලුත්ම චිත්‍රපටයක් වන "තැන්ක් යූ බර්ටි" චිත්‍රපටය සඳහාත් ඇය සම්බන්ධ වී සිටියි.

ඇය නිලන්ති ඩයස්. . .

*සම්පූර්ණ නම

බර්නඩෙත් නිලන්ති ඩයස් කරුණාරත්න

*උපන්දිනය

නොවැම්බර් 10

*ලග්නය

තුලා

*උස

අඩි 05

*පදිංචිය

තලවතුගොඩ

*නිලන්ති, මුලින්ම අපි කතාකරමු මේ දවස්වල ඔබේ වැඩ කටයුතු ගැන?

දැයට කිරුළේ නර්තන අංග කිහිපයක් සඳහා සූදානම් වෙනවා. ඒ වෙනුවෙන් මේ දවස්වල මහන්සි වෙනවා. පහුගිය දවස්වල රිදී රැයක් ප්‍රසංගයට සහභාගි වුණා. නර්තන ප්‍රසංග කිහිපයකටත් සහභාගි වුණා. "අමරපුරය" ටෙලි නාට්‍යයෙන් පස්සේ මගේ හිතට වදින නිර්මාණයක් ලැබුණේ නෑ. මෙගා ටෙලි නාට්‍ය සඳහා නම් ගොඩක් ආරාධනා ලැබෙනවා. ඒ වෙනුවෙන් ලොකු කැපවීමක් කරල වැඩකරන්න ඕනේ. ඒ නිසා ගොඩක් වෙලාවට මෙගා ටෙලි නාට්‍ය මම භාරගත්තේ නෑ. නිර්මාණ භාරගනිද්දි ගොඩක් කාර්යයබහුල වෙන්න කැමති නෑ. මම විවාහවෙලත් වැඩි කාලයක් නෑ. ඒ නිසා මගේ සැමියා සමගත් වැඩි කාලයක් ගතකරන්න ඕන.

*විවාහයෙන් පස්සේ ඔබ කලා කටයුතුවලට දක්වන දායකත්වය තරමක් අඩුවුණු බවක් පේන්න තියෙනවා?

විවාහ වුණාට පස්සේ කවුරුත් කැමතියි ටිකක් නිදහසේ ඉන්න. වැඩි කාලයක් ගතවෙන නිර්මාණ මම භාරගන්තේ නෑ. ගොඩක් වෙලාවට කලාකරුවන් එකතුවෙලා කරන ප්‍රසංග තමයි භාරගත්තේ. චිත්‍රපටි භාරගත්තෙත් දින කිහිපයකින් රූගත කිරීම අවසන් වන නිර්මාණ පමණයි.

*කොහොමද මේ දවස්වල නර්තන කටයුතු සිද්ධවෙන්නේ?

මට නර්තන කණ්ඩායමක් තියෙනවා. ඔවුන් තරමක් කාර්යයබහුල ළමයි. මම ඔවුන් එකතු කරගෙන පුහුණුවීම් කරලා අවශ්‍ය වෙලාවට ප්‍රසංගයකට ආරාධනා ලැබුණම ඒ සඳහා ඉදිරිපත් වෙනවා. ගොඩක් වෙලාවට මම කැමතියි හොඳ ප්‍රසංගයක් සඳහා ආරාධනා ලැබුණම මම හෝ තවත් සහයකයෙක් සමග නර්තනයන් ඉදිරිපත් කරන්න.

*ඇත්තද ඔබ ප්‍රසංග සඳහා ඉහළ මුදලක් අයකරනවා කියන්නේ?

මම හිතනවා මම අයකරන්නේ මට සරිලන, මගේ දක්ෂතාවයට වටිනාකමක් ලැබෙන සාධාරණ මිලක් කියලා.  නමුත් පුණ්‍ය කටයුතු, සුබ සාධන කටයුතු වෙනුවෙන් කරන ප්‍රසංග සඳහා නොමිලේ දායකවෙන අවස්ථාත් තියෙනවා. ඉතින් සහයෝගය දිය යුතු තැනට සහයෝගය ලබාදෙනවා. මට, මගේ නිර්මාණයට සරිලන මිලක් මම අයකරනවා.   

*ප්‍රසංග වේදිකාවේ නර්තනයන් ඉදිරිපත් කරන ශිල්පිණියන්ට එල්ල වන චෝදනාවක් තමයි ඔවුන්ගේ නර්තන නිර්මාණ බොහෝදුරට ගීතයේ තේමාවට අදාළ නොවන, නරඹන්නන් තුළ ශෲංගාර රසය ඇතිකරවන අරමුණින් නිර්මාණ වූ ඒවා බව. ඔවුන්ගේ ඇඳුම් නිර්මාණ සම්බන්ධවත් බොහෝ චෝදනා එල්ලවෙනවා. මේ ගැන ඔබේ අදහස් මොකක්ද?

අපි නර්තන නිර්මාණයක් සිදුකළ යුත්තේ ගීතයට ගැළපෙන විදිහටයි. ගීතයට ගැළපෙන විදිහටයි ඇඳුම් නිර්මාණත් සිදුකළ යුත්තෙත්. නර්තන ශිල්පියෙකුට අවශ්‍ය වෙන්නේ නෑ අනවශ්‍ය විදිහට සිය අඟපසඟ දක්වමින් නර්තනයේ යෙදෙන්න. දැන් ඉස්සර වගේ නෙමෙයි ගොඩක් නර්තන කණ්ඩායම් තියෙනවා. ඒ අතරින් හොඳ නිර්මාණ ඉදිරිපත් කරන ශිල්පීන්ටත් ඔය චෝදනාව එල්ල වෙන්න පුළුවන්.

 

*ඔබ වැඩිපුරම තෘප්තිමත් වෙන්නේ රංගනයෙන්ද? නර්තනයෙන්ද?

නර්තනයෙන්.

*ප්‍රසංග සඳහා සහභාගි වීමේ දී කටුක අත්දැකීම්වලට මුහුණදෙන්න සිද්ධවුණු අවස්ථා ගැන මතක්කළොත්?

ඇතැම් අවස්ථාවලදී නර්තන කණ්ඩායමේ ශිල්පිණියක් කිසියම් ප්‍රසංගයක් සඳහා සහභාගි ‍වන බවට ‍පොරොන්දු වෙලා හදිසියේම සහභාගි වෙන්න බැරි බව දැනුම් දුන්නොත් ලොකු ගැටලුවකට මුහුණ දෙනවා. එවැනි අවස්ථාවලට නිතර මුහුණදෙන්න සිද්ධවෙලා තියෙනවා.

*ඒ අතරෙම මුහුණ දීපු අමතක නොවන අත්දැකීම් ගැන කතාකළොත්?

සමහර අවස්ථාවලදී අපි අඩි උස පාවහන් පැළඳගෙන නර්තනයේ යෙදෙද්දි වේදිකාව ලිස්සන අවස්ථා තියෙනවා. ඒ වෙලාවට ඉතින් සහයක ශිල්පිණියත් එක්ක කතාකරනවා ඒ ගැන. නමුත් ඒක නරඹන ප්‍රේක්ෂකයින්ට තේරෙන්නේ නෑ. අනිවාර්යයෙන්ම ඒකටත් දක්ෂ වෙන්න ඕනේ. එහෙම වෙලාවට බොහොම අපහසුවෙන් නර්තනයේ යෙදුණු අවස්ථා තියෙනවා. තවත් සමහර අවස්ථාවලදී නර්තනයේ යෙදෙන අතරේ ඇඳුම් මාරුකරන්න තියෙන අවස්ථා තිබෙනවා. ඒ වගේ වෙලාවල්වලදී ඉක්මනින් ඇඳුම් මාරුකරන්න බැරිවුණාම ඇඳුම් ඉරලා ඉවත්කරන්න සිද්ධවුණු අවස්ථාත් තියෙනවා.   

 

*ඔබ පුංචි තිරයට වඩා රිදී තිරයේ නිර්මාණ සඳහා වැඩි දායකත්වයක් ලබාදෙන්නේ ඇයි?

මම මුලින්ම රංගනයට පිවිසෙන්නෙත් රිදී තිරය තුළිනුයි. එතැන් සිට මට එකදිගටම ලැබුණේ චිත්‍රපටි. මට පුංචි තිරයෙන් ආරාධනා ලැබෙනවා අඩුයි.

*ඒ අතරිනුත් ඔබ වැඩි දායකත්වයක් ලබා දී තිබෙන්නේ වාණිජ සිනමා නිර්මාණවලට නේද?

මට ගොඩක් වෙලාවට ලැබිලා තියෙන්නේ වාණිජ නිර්මාණ. ඉතාමත් ස්වල්පයයි සම්භාව්‍ය ගණයේ නිර්මාණ ලැබිලා තියෙන්නේ. නමුත් මම වාණිජ නිර්මාණවලට කැමතියි. මම ගොඩක් හිනාවෙන්න කැමති කෙනෙක්. ටෙනී අයියා, බන්දු අයියා වගේ ශිල්පීන් එක්ක විනෝදෙන් වැඩ කරද්දි කාලය ගතවෙනවා දැනෙන්නේ නෑ. මට එකදිගටම ලැබුණෙත් එවැනි නිර්මාණ. නමුත් වෙනස් නිර්මාණවලට දායකවෙන්නත් කැමතියි.

*නර්තනය තුළින් කලාවට පිවිසුණු ඔබ ඒ ඔස්සේ රංගනයටත් සම්බන්ධ වුණා. ඉදිරියේ දී ගායන ක්ෂේත්‍රයට එහෙම සම්බන්ධ වෙන්න අදහසක් නැද්ද?

 එහෙම නම් නැහැ. රූපවාහිනී වැඩසටහන්වලදී ගීත ගායනා කරනවා අවශ්‍යතාවය අනුව.

*නිලන්ති, ඉතින් අපි ඔබේ ආදරණීය සැමියා ගැනත් මේ වෙලාවේ මතක්කරමු?

ඔහු විජේසිංහගේ නිරෝෂන් ක්‍රිෂාන්ත ෆොන්සේකා.

*ඒ වගේම ඔබේ ආදර කතාව ගැන දැනගන්නත් ඔබට ආදරය කරන රසික රසිකාවියන් කැමතිවේවි?

මගේ සැමියා හිටියේ ජපානයේ. ඔහු වසර 10 ක් ඒ රටේ සේවය කළා. ඔහුගේ ගම කුරුණෑගල. මම කුරුණෑගල ගිය අවස්ථාවක මගේ සැමියාගේ වගේම මගෙත් මිතුරකු වුණු කෙනෙක් මාර්ගයෙන් තමයි අපි හඳුනගත්තේ. මුලින්ම ඔහු කතාකළෙත් මගේ අම්මා එක්ක. ඔහු නැවත ජපානයට ගිහින් අපිට දුරකථන ඇමතුමක් දුන්නා. ඊටපස්සේ ඔහු දිගටම කතාකළා. ඒ විදිහට තමයි යාළුකම ඇතිවුණේ.   

*කොහොමද ඔබ ඔබේ සැමියාගේ ව්‍යාපාරික කටයුතුවලට සහයෝගය ලබාදෙන්නේ?

ඔහු රථවාහන ව්‍යාපාරයක් තමයි කරන්නේ. ජපානයෙන් වාහන ගෙන්වලා ‍අලෙවි කරනවා. මම ඉතින් පුළුවන් විදිහට ඒ වැඩවලටත් උදව් වෙනවා. ඉස්සර මම වාහන සම්බන්ධව කිසිම දෙයක් දැනගෙන හිටියේ නෑ. දැන් නම් ගොඩක්දුරට දන්නවා. මොකද මට නිතරම ඇහෙන්නේ ඒ ගැන නිසා.

*ඇත්තද නිලන්ති, ඔබ තරමක් ආඩම්බරයි කියන්නේ?

නෑ, මම හිතන්නේ නෑ. මට එහෙම චෝදනා ලැබිලා නෑ. මට ප්‍රේක්ෂකයෝ හම්බුණාම මම කතාබහ කරනවා. මට වැඩිය මගේ සැමියා ඔවුන් සමග කතාබහ කරනවා. ඔහු කලා ක්ෂේත්‍රයට බොහොම ආදරය කරන කෙනෙක්. මම හිතන්නේ නෑ මම ආඩම්බරයි කියලා කවුරුවත් මට චෝදනා කරයි කියලා.

*නිලන්ති, පොතපත කියවන්න එහෙම බොහොම අකමැති කෙනෙක්ලු නේද?

ඇත්ත, මම පොත් කියවන්න ඒ තරම් කැමැත්තක් නෑ. කියවීම අතඇරලා ඉන්නේ. මගේ සැමියා ඉරිඳට හැම පුවත්පතක්ම මිලදීගන්නවා. මගේ ලිපියක් පළවුණත් මම ඔහුටයි කියන්නේ ඒක කියවන්න කියලා. පාසල් යන කාලේ අවශ්‍ය නිසා පාඩම් වැඩ කටයුතු කළා. දැන් නම් පොත් කියවන්න කම්මැලියි. මගේ සැමියාත් නිතරම මට කියනවා කියවන්න කියලා. මම දැන් ටිකක් විතර පත්තර නම් කියවනවා. නමුත් මම කිසියම් නිර්මාණයක් භාරගනිද්දි තිර පිටපත නම් බොහොම උනන්දුවෙන් කියවනවා.

*කොහොමද නිලන්ති ඔබේ දවස සැලසුම් කරගෙන තියෙන්නේ?

සැමියා වෙනුවෙන් ඉටුවිය යුතු වැඩ කටයුතු මගේ අතින්ම ඉෂ්ට කරන්න මම කැමතියි. ඔහුගේ වැඩ කටයුතු වෙනත් කෙනෙකු අතින් ඉටුවනවාට මම කොහෙත්ම කැමති නෑ. අපේ ගෙදර සේවිකාවක්වත් නෑ. මම තමයි සියලුම වැඩ කටයුතු කරන්නේ. නමුත් උදේට මාව අවදිකරන්නේ මගේ සැමියා. ඔහු මට කලින් අවදිවෙනවා. අවදිවුණු වෙලාවේ ඉඳන් දවසේ ගෙදර වැඩ කටයුතු මගේ අතින් තමයි ඉෂ්ටවෙන්නේ. 

 

*කලා ක්ෂේත්‍රයට සම්බන්ධ නොවුණා නම් ඔබේ ජීවිතය මොනවගේ පැත්තකට යොමුවෙයිද?

මම රූපලාවන්‍ය ක්ෂේත්‍රයට යොමුවෙයි. දැනට එහෙම සූදානමක් නෑ. නමුත් මම ඒ ක්ෂේත්‍රයට කැමැත්තක් දක්වනවා. පාසල් ඉවත්වුණාට පස්සේ මම රූපලාවන්‍ය ගැන හැදෑරීමක් කළා.

*ඔබේ පුංචි කැදැල්ලට අලුත් සාමාජිකයෙක් එහෙම එකතු කරගන්න අදහසක් නැද්ද?

ඉදිරියේ දී අනිවාර්යයෙන්ම බලාපොරොත්තු වෙන්න කියලා මම කියනවා. දැනට මතු සම්බන්ධයි.

HARD TALK

*දේශපාලනයට සම්බන්ධ වෙන්න අවස්ථාවක් ලැබුණොත් භාරගන්නවද?

නැහැ.

*ඔබේ විවාහය ඔබේ ප්‍රථම ප්‍රේමයේ ප්‍රතිඵලයක්ද?

නැහැ.

*ආදරය කරන යුවලක් අනිවාරයයෙන්ම විවාහ විය යුතු බව ඔබ සිතනවාද?

ඔව්.

*කවදා හෝ ක්ෂේත්‍රයේ කෙනෙක්ගෙන් ඔබට ආදර යෝජනාවක් ලැබිලා තියෙනවද?

නැහැ.

*ඔබ ආදරය කළ කෙනෙකුගෙන් ඔබට අවසන්වරට ලැබුණු තෑග්ග?

විවාහය.

*ඔබ ආදරය කළ අයෙකු, ඔහුත් ඔබට ආදරය කළ බව සිතපු නමුත් පසුව එම ආදර බලාපොරොත්තුව බිඳවැටුණු අවස්ථාවක් තියෙනවද?

නැහැ.