කලා ලොව: July 2011

හසන්ත හෙට්ටිආරච්චි

රූපවාහිනී ප්‍රේක්ෂකයන් වැඩි පිරිසක් ඔහු හඳුන්වන්නේ අටපට්ටමේ “දඩිබිඩිස්” නමින්. බාල, තරුණ, මහලු ආදි සෑම තරාතිරමකම රූපවාහිනී ප්‍රේක්ෂකයින්ගේ නොමඳ ආදරය දිනාගෙන සිටින දඩිබිඩිස් ඔහුට ආදරය කළ සුන්දර යුවතියක වන චමුදිකා පියුමි සමඟ එකම කැදැල්ලක කූඩු වුණේ මීට මාස කිහිපයකට පෙර එනම් පසුගිය මැයි හය වැනිදා.
එහෙත් පසුගියදා අන්තර්ජාලයේ පළවූ පුවතකින් ප්‍රචාරය කෙරුණේ දඩිබිඩිස්ගේ විවාහය දෙදරා ගොස් ඇති බවයි. දඩිබිඩිස්ට ආදරය කරන ලක්ෂ සංඛ්‍යාත ප්‍රේක්ෂකයින් කුතුහලයට පත්කළ මේ පුවතේ සත්‍ය අසත්‍ය දැන ගැනීමට අපි කෙළින්ම දඩිබිඩිස් නොහොත් හසන්ත හෙට්ටිආරච්චි සමඟ කතාබහ කළා. මේ එම කතාබහයි.

”ඇත්තටම හසන්ත, සිදු වුණේ කුමක්ද?”
කියා ඇසූ සැණෙකින් ඔහු දඩිබිස්ට හුරුපුරුදු කටකාරකමින් පැවසුවේ “අන්තර්ජාල ජංජාලයක්” යනුවෙනි.
වෙබ් අඩවිවලින් ප්‍රචාරය කෙරුණේ මගේ විවාහය දෙදරා ගොස් ඇති බවකුයි. එහෙම නම් ඒ බව මුලින්ම දැනෙන්න ඕනේ මටයි මගේ බිරිඳටයි.
එලෙස නොවී අපිට නොදැනෙන දෙයක් අපි ගැන වෙන කවුරුන් හෝ පුද්ගලයෙකුට දැනෙන්න ඔහු ආශ්චර්යවත් පුද්ගලයෙකු විය යුතුයි.
එසේ නැත්නම් මෙවැනි මඩ ප්‍රචාර උපක්‍රම ලෙසින් යොදා ගෙන වෙබ් අඩවි ජනපි‍්‍රය කරවා ගැනීමට උත්සාහ කරන පුද්ගලයෙකු හෝ නිසැකවම විකෘති ආසාවන්ගෙන් පෙළෙන මානසික රෝගියෙකු විය යුතුයි. කලකට පෙර මට පිළිකාවක් තිබෙනවා කියලත් ප්‍රචාරය කර හැරියා මතකද, ඒ වගේම තමා මේ ප්‍රවෘත්තියත්. අයාලයේ යන මානසික රෝගීන් හුදකලාවේ ඉන්න ගමන් කරන නොහොබිනා වැඩ.”

ඔබ මීට විරුද්ධව ගත් පියවර මොනවාද?

”පියවර කීපයක්ම ගත්තා. නීතිමය හේතු මත ඒවා හෙළි කරන්න බෑ. ඒ හැරුණු විට අදාළ වෙබ් අඩවිවලට විද්්‍යුත් තැපෑලෙන් දැනුම් දීම් කිරීමෙන් පසුව දැනට මේ අසත්‍ය පුවත ප්‍රචාරය කළ වෙබ් අඩවි හතරක් කනගාටුව ප්‍රකාශ කර සමාව ඉල්ලා තිබෙනවා. මේවා තාක්ෂණයේ දියුණුවත් සමඟ අලුත් ලෝකයේ සිදුවන අපරාධ. අදාළ ආරක්ෂක අංශවලට දැනුම් දීම තමයි මේවාට එරෙහිව පළමුව ගත හැකි පියවර. ශ්‍රී ලංකාව වැනි ප්‍රජාතන්ත්‍රවාදී රටක මෙවැනි ද්වේශ සහගත බොරු ප්‍රචාර මඟින් පුද්ගලයින්ගේ මානුෂික අයිතිවාසිකම් කෙළෙසීම දණ්ඩ නීති සංග්‍රහය යටතේ දඬුවම් ලැබිය යුතු වරදක්.”

මෙම අසත්‍ය ප්‍රවෘත්ති නිර්මාණය කළ වරදකරු සොයා ගැනීමට හැකි වුණාද?

”නැහැ. ඒ සඳහා ක්‍රමවේදයක් දැන් සැකසෙමින් තිබෙනවා. මෙවැනි අපරාධකරුවන් සොයා ගැනීමට රාජ්‍ය මට්ටමේ මැදිහත් වීමක් අවශ්‍යයි. අද මට වූ මේ දේ හෙට ඔබට විය හැකියි.
එම නිසා අපි නව ලොව තාක්ෂණය යොදා ගෙන මෙවැනි අපරාධ සිදු කරන අපරාධකරුවන් මර්දනය කළ හැකි ක්‍රමවේද සොයා දැනුම්වත් විය යුතුයි. අපට වඩා බාල පරම්පරාව මෙවැනි අපරාධකරුවන්ට ගොදුරු වීමේ ඉඩකඩ වැඩියි. පට්ටපල් බොරු ගොතා පැවසීමෙන් ජනතාව මුලා කිරීමට තවදුරටත් ඉඩ නොතැබිය යුතුයි. මගේ විවාහය පිළිබඳ මේ අසත්‍ය ප්‍රවෘත්තියෙන්ම පැහැදිලි වෙනවා, බොරු කුණු කන්දල් අන්තර්ජාල වෙබ් අඩවිවල ප්‍රචාරය කෙරෙන බව.
මෙයට හොඳම උදාහරණයක් අපේ රටට විරුද්ධව ප්‍රචාරය කළ ‘චැනල් 4’ ප්‍රවෘත්තියත්. මෙවැනි ප්‍රවෘත්ති නිර්මාණය කළ මුලින්ම ප්‍රචාරය කරන පුද්ගලයා පමණක් නොව මේවා පිළිබඳ බුද්ධිමත්ව සිතා නොබලා පතුරුවා හැරීමට දායක වෙන සියලුම පුද්ගලයින්ද වරදකරුවන් ලෙසයි මම නම් හිතන්නේ.”

මේ සිද්ධියෙන් ඔබ කම්පනයට පත් වූයේ නැද්ද?

”ලෝකයේ රටවල් පනහකට වඩා ගිහින් ආව මට මෙවැනි දේවල් ගැන තරමක අවබෝධයක් තිබෙන හින්දාත්, අපේ මේ සමාජයේ ජීවත් වෙන ද්වේශ සහගත සිත් ඇති සමහර පුද්ගලයින්ව තේරුම් ගැනීමට සිහි කල්පනාව ඇති හින්දාත් කම්පනය වීමට තරම් මගේ මනස දුර්වල වුණේ නැහැ. මෙවැනි සිද්ධීන්ට මුහුණ දීමට තරම් ශක්තිමත් මනසක් මට තිබෙන බව මම විශ්වාස කරනවා.”

ඔබේ ආදරණීය බිරිඳ මේ සිද්ධියේදී ඔබ සමඟ කටයුතු කළේ කෙසේද?

”ඇය මා සමඟ ඒකාත්මීකව උන්නා. ඇයට මනා වැටහීමක් තියෙනවා මෙවැනි දේවල් පිළිබඳ. විවාහයට පෙර කෙටි කාලයක් ඇය ගුවන් සේවිකාවක් ලෙස සේවය කළා. පසුව අපේ විවාහය වෙනුවෙන් ඇය රැකියාවෙන් පවා ඉවත් වුණා.
අපි ප්‍රංශය, ස්වීස්ටර්ලන්තය, ජර්මනිය සහ ඉන්දියාව වැනි රටවල පසුගිය කාලයේ එකටමයි කාලය ගෙව්වේ. මුදල්වලට වඩා අපි සතුට අගේ කරනවා. ‘අටපට්ටම’ සහ ‘දොරමඬලාව‘ වැඩසටහන් දෙක වෙනුවෙන් විශාල කැපවීමකින් කටයුතු කරන්න මට සිදු වී තිබෙනවා.
මේ සියල්ල හරියාකාරව කරගෙන යාමට ඉමහත් කැපවීමක් හා සහයෝගයක් මට මගේ බිරිඳගෙන් ලැබෙනවා. අපේ විවාහ ජීවිතය අපි සෙනෙහසින් හා සතුටින් බෙදා හදා ගෙන ගත කරනවා.
ළඟදීම අපේ විවාහ දිවියේ සතුටුදායක ප්‍රවෘත්තියක් ද අහන්න ලැබේවි. මේ රටේ කුඩා දරුවාගේ පටන් වැඩිහිටියා දක්වා සෑම පුරවැසියෙකුගේම වාගේ ආදරය මට ලැබී තියෙනවා.
ඔවුන්ගේ ඒ ආදරය මෙවැනි අසත්‍ය ප්‍රවෘත්ති විසුරුවා හැරියාට නැති කරන්න කාටවත්ම බැහැ.”

උදයකාන්ත වර්ණසූරිය විසින් අධ්‍යක්‍ෂණය කිරීමට සූදානම් වන බහු භාර්යා - 2 චිත‍්‍රපටයේ උඩුකය නිරුවත් දර්ශනයක් සඳහා පෙනී සිටීමට සිනමා නිලි දුලානි අනුරාධා එකඟවී ඇතැයි වාර්තා වේ. නැගී එන නර්තන ශිල්පී හේමාල් රණසිංහ මෙම දිත‍්‍රපටයේ අඩනිරුවතින් රඟ පෑමට නියමිත බවද පැවසේ.

නිෂ්පාදකයින් සොයා ගැනීමේ අපහසුතාවක් හේතුවෙන් උදයකාන්ත වර්ණසූරිය බහු භාර්යා - 2 වැනි කොටස අධ්‍යක්‍ෂණයට පෙළඹී ඇතැයි ද පැවසේ.

මීට අමතරව ලකී ඩයස් හා ශ‍්‍රීමාල් වෙඩිසිංහ මෙම චිත‍්‍රපටයේ රංගනයෙන් දායකවීමට නියමිතය.

බහු භාර්යා පළමු චිත‍්‍රපටයේදී සංගීතාගේ නිරුවත දැක බලා ගැනීමට චිත‍්‍රපට ශාලා පිරී ගිය ආකාරයටම දුලානිගේ නිරුවත දැක ගැනීමට ද චිත‍්‍රපට ශාලා පිරෙනු ඇතැයි නිෂ්පාදකයෝ බලාපොරොත්තු වන බවද මේ අතර, වාර්තා වේ.

අබා චිත‍්‍රපටයේ ගුම්භකබූතා චරිතයෙන් ජනපි‍්‍රයත්වයට පත් දුලානි අනුරාධා දක්ෂ නර්තන ශිල්පිණියකි.

දුලානිට, සුගත් සමරකෝන්ගේ විජය කුවේණි චිත‍්‍රපටයේ කුවේණිගේ චරිතය රගපෑමට ද අවස්ථාව උදාවී තිබේ.

එම චිත‍්‍රපටයට ගීතමය නර්තන ජවනිකා රැසක් ඇතුළත්ව තිබෙන අතර, විජය කුවේණි චිත‍්‍රපටයෙ රූගත කිරීම් පසුගියදා ගම්පහ පිළිකුත්තුවේදී ආරම්භ විය.

විජය කුවේණි ඉතිහාස කතාව යළි ජීවමාන කරන මෙහි විජය ලෙස රොජර් සෙනෙවිරත්න රංගනයෙන් දායක වේ.

දුලානි අනුරාධා නැගී එන දක්ෂ නිලියක් බව විචාරකයන්ගේ මතය වන අතර, ඇය 2008 වසරේදී සරසවි සමම්මාන උළෙලේදී හොඳම නිළිය සම්මානයෙන් ද පිදුම් ලැබීය.

පසුගිය දිනවල ජනපි‍්‍රය ටෙලි නාට්‍යක් බවට පත් වහින්න මුතුවැස්සක් ටෙලි නාට්‍යයේ පබළු ගේ චරිතයට පණ පොවමින් ඇය ටෙලි නිළියක් ලෙසත් ජනපි‍්‍රයත්වට පත් වූවාය.